------------------------------------------------------------@
ഒരുതവണ
കാണുന്നതിന്
നൂറ്റിയമ്പതുരൂപ
കണ്ടു
ശ്വാസംപിടിച്ചു
വലിച്ചുവിട്ടു
നെഞ്ചിലും പുറത്തും
കുഴലുവച്ചു
വായും കണ്ണും പരമാവധി
തുറന്നുകാണിച്ചു
കുറിപ്പടിതന്നു
നേരേഎതിരേയുള്ള
മരുന്നുകടയില്‍നിന്നു
വാങ്ങണമെന്നു
പ്രത്യേകം പറഞ്ഞു
അതിന്നടുത്തലാബില്‍നിന്നു
രക്തം കഫം മലംമുത്രം
നെഞ്ചിന്നൊരു എക്സ്രേ
തലയ്ക്കൊരു സ്കാന്‍
എല്ലമെടുക്കേണ്ട വഴിയും
വഴിക്കണക്കും
വഴിപോലെ പറഞ്ഞുതന്നു
രണ്ടുദിവസം കഴിഞ്ഞു
വീണ്ടും വന്നുകണ്ടു
പരിശോധനാഫലങ്ങളില്‍
സൂക്ഷ്മപരിശോധന
കരുണം ശാന്തം അത്ഭുതം
ഭാവങ്ങള്‍ മിന്നിമറഞ്ഞു
"ഞാന്‍ കരുതിയതുപോലൊന്നും
തനിക്കില്ല.
ചെറിയൊരു പനി
കഴിഞ്ഞതവണ കുറിച്ച
ഗുളികകള്‍ കഴിച്ചാല്‍ മതി"
ഫീസ് സ്നേഹപൂര്‍വ്വം
സ്വീകരിച്ചഡോക്ടര്‍
ചിരിച്ചുകൊണ്ടു യാത്രയാക്കി.
///////ബന്‍സി ജോയ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ