----------------------------------------
ഓണം കഴിഞ്ഞു
മഹാബലി വീണ്ടും വഴിതെറ്റി
പാതാളത്തിലേക്കു പോയി.
ദൈവത്തിന്റ സ്വന്തം നാട്ടില്‍-
സ്വര്‍ഗത്തിലേക്കു വഴിയില്ലെന്നല്ല
ഇവിടുത്തെ ചൂണ്ടുപലകകള്‍ക്കു
ദിശാബോധമില്ലെന്ന്‍!!!!
ഒരാഴ്ചത്തെ ഉന്മാദം
ബാക്കിവയ്ക്കുന്നതെന്താണ്?
ആഞ്ഞു കടിച്ചിട്ടും പൊട്ടാതെ
ബാക്കിയായ ശര്‍ക്കരപുരട്ടിപോലെ
എന്തോ ഒന്ന്‍.
നാളെ വീണ്ടുംവന്ന് വഴിതെറ്റി
പാതാളത്തിലേക്കു പോകാന്‍
തീര്‍ക്കുന്ന ശേഷിപ്പുകള്‍.
/// ബന്‍സി ജോയ്
12/9/2014
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ